طفلتك ما عاشت إحساس الطفوله [روايه رومانسيه ]

غلا حبك 03/09/2010 المزاج : عال العال

الشخصيات بالمختصر :

** عائلة فهد الفهد ..( الأب ) ..( أبو وليد ) ..
2/ زوجته الأولى كارلا ( فرنسيه ) ( متوفيه من 8 سنين ) .. وعندهـ منهـآ :
3/ فـآتن ( 17 سنه ) ..
4/ زوجته الثانيه سعـآد ( 37 سنه ) وعندهـ منهـآ :
5/منار (6سنوات ) ..
6/ وليد (3 سنوات ) ..

** عائلة خالد البدر ( الأب ) متوفي من 10 سنين ..( أبو عزآم ) ..
1/ زوجتـه ( منيرهـ ) 47 سنه ...
2/ عزآم ( 29 سنه ) ..
3/ سـمـر (26 سنه ) .. متزوجـه وعندهـآ ( عزآم – رآمـآ ) ..
4/ عصام (24 سنه ) ..
5/ سـآرهـ (20 سنه ) ,,
6/ سديم ( 17 سنه ) ..

** عـآئلة محمد الـعبدالله ( الأب ) 55 سنـه ..( أبو سعود ) ..
1/ زوجته فاطمـه (49 سنه ) ..
2/ سعـود (30 سنه ) متزوج سمـر بنت خالته ..
3/ مهـآ ( 26 سنه ) ...متزوجـه وعندهـآ بنت ( فاتن ) ..
3/ تركي (24 سنه ) ..
4/لمى ( 17 سنه ) ..

غلا حبك 03/09/2010 المزاج : عال العال

البــــــآرت الأول ..

يعني من قلَّ ( المــصـآيب ) ؟!
صـآب هـآلصـدر " ضيـق " ..
وإلآ يعني من حـلآة الـحـظ وَ [ ع ــلوَّ آلـمـكـآنـه ] ؟؟!!
ذي حيـآتي من مـضـيـق ٍ, في مـضـيـق ٍ, في مـضـيـق ٍ..
ولو بـحـثت الـصـبر فيني ..
مـآ أجـد لـ/ آلـصَّـبـر خـآنـه ..!!
ع ــآًدتـيَّ لـآضـقـت أدوَّر (( حَــضـنَّ )) وُُ (( ع ـــيــون آلــرفـيــق )) ..
مـشـكــلــه ..!!!!
لـآ صـآر { ضـيقـي مـنــه } وً .. أحــزآنــي ..{.. ع ــشــآنــهًِّ ..} ..

في الخبر- حي الحـزآم الذهبي– أفخم قصر ..

نزلت تتمخطر في الدرج الكبير اللي يتوسط القصر ..
وصوت كعبهـآ يصدح بالمكان وريحة عطرهـآ تعلن عن وصولهـآ ..
نزلت لحد المرآيه الكبيرهـ بالمدخل واللي محددهـ أطرافهـآ ببروآز ذهبي فخم جدآ ..
وقفت قدآمهـآ وهي تتأمل شكلهـآ إبتدآءً من شعرهـآ الكيرلي الأسود النـآعم اللي يحضن خصرهـآ من طوله بشكل آسر .. ومبرز بياض بشرتهـآ المشربه بالوردي .. واللي إكتسبتهـآ من امها الفرنسيه المشهورهـ بالجمـآل والفتنه ..
وحوآجبهـآ المرسومـه رسم بإتقان الخـآلق سبحـآنه وسوآدهـآ يبرز وسع عيونها المكحله
وتتميز بلونهـآ الغريب ..!!
لون العسلي ومحددهــ عدساتهـآ بالرمـآدي .. إختـلآط لونين بشكل لآفت ومبهر .. ورومش كثيفه معكوفه بشكل جميل ..
نزلت أكثر بنظرهـآ على خدودهـآ الي منثور عليهـآ البلاشر الوردي واللي زاد حمرة خدودهـآ ..
وخشمهـآ المرسوم ومعطي مـلآمحها حدهـ قاتله وفاتنه ..
وقفت عيونهـآ على إمتزاج الرقه والعذوبه ..
إمتزآج الإغرآء والذوبان ..
شفايفهـآ اللي تذووب رقه ونعومه واللقلوس الوردي الصارخ شوي معطيهـآ جاذبيه ساحرهـ ..

عدلت بلوزتهـآ الفوشيه مخططه بالرمـآدي وفتحة الصدر وسيعه للأكتـآف ومبينه أكتافهـآ اللي تزيد من شكل نـحرها وصدرهـآ أنوثه متعبه لنـآظرهـا ,,
وخصرهـآ اللي يزينه البرمودا الجينز الرمـآدي بلمعه بسيطه فوشيه .. ومزموم من الجنب يبرز بياض ساقيهـآ الملفوفه بشرايط الكعب الفوشي الأنيق ..

إبتسمت لنفسهـآ برضـآء تـآم عن شكلهـآ وهي تقول بخاطرهـآ اللي يشوفني مايقول
هذي عمرهـآ 17 سنه .. ههههههههه بسم الله علي لا احسد عمري .. يقولون مايحسد المـآل إلا صاحبه..
لبست عباتهـآ المزخرفه وطلعت شايله شنطتهـآ الفوشيه الوآسعه .. وجوآلهـآ الفوشي بيدهـآ ..

ركبت السيارهـ ( مكسيمـآ 2008 سودآء ) ..
وطلعت مع السوآق تتمشى وتقابل صديقاتهـآ بالمجمعـآت ..
\
/
\

بالدمام –حي الفيصليه ..

في إحدى البيوت المتوسطه المستوى ولكن أنيقة الشكل ..
بيت يتكون من طابقين ..
نزل من الدرج مستعجل وريحة عطرهـ الرجـآلي تفووح بالبيت بشكل يدووخ ..
وصل للمرايه ووقف يعدل شمـآغه الأبيض على ثوبه السًّكري وسـآعته السويسريه الفخمه واللي تدل انه عندهـ خير برغم صغر سنه ..
شاف شكله بالمرآيه واللي تعكس صورة شاب وسامته ورجولته تكفي إنه يطيح بـ 10 نساء من نظرهـ وحدهـ ..
حواجبه الكثيفه المكوفه وتعطيه هيبه أكثر .. حدة نظرآت عيونه الوآسعه بسوآدهـآ وكثافة رموشهـآ ..
خشمـه السيف المسلول على قولتهم .. وشفايفه الجذآبه مايله للحمرهـ ومحـآطه ب***وكه ( الخنجر ) وبسوآدهـآ زآدته وسـآمه وهيبه ورجوله ..
لون بشرته البرونزيه بشكل آسر ..
إلتفت على أمـه اللي جايته تقول : لا اله الا الله .. بسم الله عليك ياامي .. الله يحرسك ويحميك من شر الحسـآد وعيونهم .. ويرزقك ببنت الحـلآل اللي تريحك طول عمرك ..

إبتسم لأمه بحنان وبـآنت صف اللؤلؤ المرصوص وقال بصوته المميز ببحته الخـآصه العميقه : الله يسلمك ويخليك لي يااحلى وأغلى أم ..

قالت أمه وهي تبخرهـ : وين بتروح ياوليدي بهالوقت وبكل هالكشخه .؟؟؟!!
قال : معزوم على زوآج وآحد من أصحابي بالشغل .. تآمريني على شئ يالغاليه قبل لا اطلع ..؟؟!
قالت أمـه بكل مودهـ : لا ياقلب أمك تسلم ,, والله ويـآكـ ..
قال : الله يسلمك .. مع السـلآمه ..
طـلع من باب بيتهم للحوش وراح للباركينج وشغل سيارته (أفآلون بيضاء 2007 ) ,,
واللي زآدته هيبه وكشخه ..

\
/
\

وصلت مجمع فينيسيا مول بالخبر وهي تكلم صديقتهـآ : هـآآآي .. هـلآ ليان .. كيفك ؟؟
ليان : هلا ومرحبا .. أنا بخير الحمدلله ... كيفك إنتي ؟؟
: الحمدلله بأحسن حـآل .. ليوونه بغيت أسالك عندك شئ اليوم وإلا فاضيه ؟؟.!
ليان بسرعه : لا فاضيه وطفشاااااانه حدي .. ليش ؟؟
بفرح : حلوو .. أجل وش رأيك تقابليني بـ الراشد ..؟؟ أنـآ ألحين دآخله فينيسا مول بآخذ هديه لبنت جيراننا توهـآ ولدت وجابت بنووته تجنن .. وبأطلع بعدهـآ ع الرآشد أتمشى شوي وأشتري شوية أغراض لي وللبنوته الصغنونه .. هـآهـ وش قلتي ؟؟
ليان : أوكي ياقلبي .. ألحين بأقوم البس واتجهز وأجيك ..
: أوكي سي يوو ,,
ليان : سي يوو ..

\
/
\

كـآن متوجـه لقصر الأفرآح بس تذكر إنه مـآشرى لخـويه هديه ع الأقل بمنـآسبة زوآجـه ..
وتوجـه على طوول لـ فينيسيا مول لأنه أقرب شئ لـه ألحين ,,
وقف سيارته بالباركينج ونزل لمحل سـآعـآت إشترى سـآعه رجـآليه فخمـه وأخذهـآ ورآح لمحل متخصص بتغليف الهدايا ,,
أول مـآدخل عندهم لفت نظرهـ بنت متنقبه نقاب كويتي وعيونهـآ باينه بشكل ملفت ومبهر متكحله بس بكحل أسود خفيف وحـآطه عدسات لونهـآ غريب ( بباله هو طبعا انها عدسات ) .. صح إنه أُعجب فيها كثير وماقدر يشيل عيونه عنهـآ وسمعهـآ تحكي بالجوال : لمى أنـآ بمحل هدايا وأبي أشتري لمهـآ هديه عشان بنوتتهـآ تكفين قولي لي وش تحب أو وش ناقصهـآ وأجيبه لهـآ ؟؟
ردت لمى بإحراج : يا فـــآتن مـآله دآعي تكلفين على نفسك ,, والله بوكيهـآت الورد اللي مليتي فيهـآ المستشفى والشـوكولآ اللي جايبتهـآ بلون وردي واشكال فخمه خليتينا نستقبل الناس بفخر هههههههههه .. (كملت بجديه) تكفين لا تجيين شئ بتزعلين مهـآ منك وتحرجينهـآ زود ..
قالت فاتن بشوية زعل : لمـى إنتي تعرفين أنكم خوآتي اللي ماجابتهم أمي ,, ومهـآ أختي الكبيرهـ مو بس جـآرتنـآ .. ويكفي إنهـآ سمـت بنتهـآ ( فاتن ) على إسمي وربي ماراح أنسى لهـآ هالشئ .. وبعدين إنتي وش عليك أنـآ بأجيب لهـآ حق السمـآوهـ بس مو ألحين هذي أشياء بسيطه بس ..
عشان كذا خليني اشتري لهـآ كل اللي أتمنـآهـ .. بس أبي أعرف هي وش تحب ..؟؟
ردت لمى بكل حب لهـآلبنت اللي يعتبرونهـآ إختهم : بصرآحه أحرجتيني بكـلآمك ... بس اللي أعرف إنهـآ كـآنت تبي تروح تشتري لهـآ مـلآبس .. لأنهـآ الدلخه شرت كل شئ ولآدي بعد ماقالت لهـآ الدكتورهـ إنتي حامل بـ ولد خخخخخخخخخخ ..
ضحكت فاتن بنعوومـه متغافله العيون اللي تراقبهـآ والأذآن الصاغيه لهـآ ولصوتهـآ : ياحبي لهـآ مهـآ عليهـآ حركـآت عجيبه .. أجل خـلآص أنـآ ألحين بأروح أشتري لهـآ كل شئ يخص البيبي .. وآآآآي حدي مستانسه إنه طلع لي شغله بعد هالملل اللي جاني ..
ضحكت لمى على حمـآس فاتن وصوتهـآ اللي مهمـآ عـلآ الا تبان فيه نبرة الدلع الطبيعيه وقالت : الله لايحرمك الونـآسه يافتونـه ..
قالت فاتن بضحكه : ولا يحرمك يارب .. ويللا الحين اقلبي وجهك أبغـى أكمل الشوبينق تبعي واخلص بسرعه عشان يمديني اجيكم ..
ضحكت لمى وقالت تتصنع العصبيه : شوفوا ناكرة الجميل ..الحين انتي اللي داقه علي وتترجيني اعلمك وش محتاجه مهـآ وبنتهـآ وبالآخر تقولين اقلبي وجهك .. طيب طيب انتي تعالي عندنا وتشوفي وش بيجيك ..
ضحكت فاتن وقالت : أوكي الله يكفيني شرك .. اشوفك على خير ياقلبي ..
لمى ردت بإبتسامه : الله معـآك ياقلبي ,, وتكفين لا تتأخرين ...
فاتن : إن شاء الله بأحاول اخلص بدري .. مع السـلآمـه ..
لمى : مع السـلآمـه
قفلت فاتن جـوآلهـآ ودخلته بشنطتهـآ إنتبهت لشخص وآقف قدآمهـآ .. رفعت عيونهـآ و حست برجفـه بأوصآلهـآ من جمـآل هالإنسـآن وجاذبيته .. مابحياتهـآ شافت شخص مثله .. حست برعب من نظرآت عيونه .. ماتدري وش هي ..؟؟
هل هي إحتقـآر ؟؟ هل هي إعجـآب ؟؟ هل هي إنبهـآر ؟؟ هل هي إستخفـآف ؟؟ .. أصلا كل عيونه ونظراتهـآ ترعب ..
مـآ أعطت نفسهـآ المجـآل إنهـآ تطالعه أكثر وإلتفتت عنه وسمعت صـآحب المحل اللبناني يناديه ويقوله : إستاز عـــزآم هيدي هديتك صارت جـآهزهـ .. بتأمور على شئ تاني حضرتك ؟؟
إلتفت عليه عزآم بكل شموخ وهو يقول : لا تسلم يعطيك العـآفيه .. كم حسـآبك ؟؟
قاله صاحب المحـل الحسـآب حـآسب وجـآء بيطلع بس مـآيدري وش اللي خـلآهـ يلتفت للـ فـآتنــه اللي شـآفهـآ وسمع سوآلفهـآ وعرف إن إسمهـآ ( فـآتن ) من كـلآمهـآ مع صاحبتهـآ .. إلتفت إلا وهي كـآنت بتطلع من المحل بتروح محل مـلآبس وإحتياجات الأطفال .. وكانت منزله راسهـآ لشنطتهـآ تدخل بوكهـآ بعد ماحاسبت ع الأشياء البسيطه اللي خذتهـآ .. وفجأهـ حست إنهـآ قربت من ريحـة عطر رجـآليه قوووويه وسـآحرهـ رفعت رأسهـآ إلا وهي قدآمـه بالضبط .. نفسه السـآحر اللي قبل شوي ماقدرت تطـآلع فيه كثير .. طـآلعهـآ بنظرآت إحتقـآر على شكلهـآ ومظهر عباتهـآ ولف بيطلع ..
أمـآ هي إنصدمت من نظرتـه اللي كلهـآ إحتقـآر وإشمئزآز وكأنهـآ حشرهـ عندهـ .. قالت ببـآلهـآ بس بصوت مرتفع شوي وصله بدون ماتحس على نفسهـآ : الحمدلله والشكر نـآس متخلفه .. شكله يحسبني صايعه ضايعه .. مايدري إني أتعس وحـدهـ على هـآلآرض ...( قالتهـآ بنبرة حزن عميقـه تخالطهـآ إستهزاء ) ,,
سمعهـآ وهو مـآشي وقال بخـآطرهـ : هه أكيد بتكوينين أتعس وحدهـ دآمك بهاللبس والمنظر اللافت .. بتبعدين عن ربك وتكوتين تعيسه .. الله يعافيهـآ ولا يبلانـآ يارب ..

انتظروني

حنين نشيط 15/09/2010

شكراااا على الموضوع
الجميل

غلا حبك 03/09/2010 المزاج : عال العال

البارت الثاني

في حي الحزآم الذهبي -الخبر ..: مهـآ تكفين عطيني إيـآهـآ شوي .. تكفين بس شوووي .. والله مابأطيحهـآ بس بأشيلهـآ وأجلس جنبك ..والله والله هـآهـ .. ( تربعت جنب اختهـآ على سريرهـآ وهي تفتح يدينهـآ )
قالت مهـآ : يابنت الحـلآل فكيني من شرك .. انا يالله نومتهـآ تبين أعطيك إياها تصحينهـآ لي ..؟؟
ردت لمى بأسى وقهر : من زينك إنتي وياهـآ .. إحمدي ربك إني أبي آخذهـآ عنك شوي وأريحك .. ( وقفت وهي تقول بصوت عالي والدموع متحجرهـ بعيونهـآ) والا انتي اصـلآ مايبين بعينك الخير .. وللحين تعتبريني بزر ومااعرف شئ ..
طلعت لمى من الغرفه ومهـآ مصدوومـه من كـلآم أختهـآ وعصبيتها اللي مالها داعي .. ودموعها اللي شافتهم بعيونها بس حاولت تكبتهـآ ..
إستغربت ردة فعل لمى كثير وقالت ببالهـآ : باراضيهـآ بعدين وأطيب خـآطرهـآ بكلمتين ..بس خلني أنـآم الحين شوي وأرتاح قبل لاتصحى فتوونه وتغثني ..

(( مهـآ (26 سنه ) متزوجـه من سنتين وتوهـآ جابت هالبنوته وسمتهـآ (فاتن ) من كثر ماتحب بنت جيرانهم فاتن وتحزن عليهـآ .. حلوة وحبوبه بس موسوسه على بنتهـآ كثير لأنها ماجابتها الا بعد معاناهـ )) ..

\
/
\

من جهـة لمـى طلعت من عند مهـآ وهي معصبه حدهـآ ..

(( لمـى (17 سنه ) بنوته مرهـ كيوت .. رومـآنسيه وحبوبه .. حسـآسه كثير .. تدرس ثاني ثانوي علمي .. تعشق ثلاث أشخاص بالدنيا ( فاتن + سديم بنت خالتهـآ + وعصام حبيبهـآ وولد خالتها ) ..وتدرس مع فاتن بنفس المدرسه و الصف ))

بس وصلت غرفتهـآ لقت جوالهـآ يدق .. ( سدوومتي .. يتصل بك ) ..
ردت بصوت مخنووق ومعصب : هـلآ سديم ..
سديم : يمه بسم الله وش فيك شوي وتاكليني ؟ وش في صوتك كذا ؟ أحد زعلك .؟
قالت لمى بضيقه : وفيه غيرهـآ هالأخت الفاضله .. أشحذهـآ بنتهـآ شحاذهـ .. سـلآمـآآت ماكأني أختهـآ ؟؟ لا وتقولي بتصحينهـآ ومدري ايش .. بس انا عارفتهـآ تحسبني باقي بزر وباطيحهـآ من يديني .. أووف ياختي شئ يقهر ويفقع القلب .. يازين البيت قبل لا تجي ..
ضحكت سديم على تفكير لمى المحدود وقالت : ههههههههههه ياحليلك يالمـوو زعـلآنه عشان مااعطتك بنتهـآ ..؟ طيب وهي صادقه توهـآ نومتهـآ وانتي تعرفين الأطفال لا صحوا يجيبون لك المرض من صياحهم عشان كذا هي ماتبي تتعب وهي تنومهـآ مرهـ ثانيه .. وبعدين انتي لاتصيرين حساسه وتاخذين الأمور من هالمنطق خليك واعيه شوي ..
(سكتت شوي بعدين سمعت ضحكت لمـى وعرفت سبب ضحكهـآ )وقالت : هههههههه أدري تضحكين على منطق تحسن متعوب عليهـآ صح ؟؟
ضحكت لمـى وماكأنهـآ اللي قبل شوي معصبه وقالت : ههههههههههه إيه والله أحسهـآ غلط عليك .. سديم وتقول منطق وأمور ههههههههههه والله مااتخيل أبد ,,
إبتسمت سديم إنهـآ قدرت تمتص غضب بنت خالتهـآ وصديقتهـآ وحبيبة قلبهـآ وقالت : إيه ياشيخه خلينـآ نسمع هالضحكه اللي كأنها ضحكة فيفي عبدهـ خخخخخخخخ ,,
ضحكت لمـى زود وقالت كأنهـآ معصبه : وجع إن شاء الله أنا تشبهيني بذيك ؟؟ أعووذ بالله .. إلا تعـآلي سدووم ,, ليش ماتجين عندنا الحين وتنامين عندي ؟؟ فاتن بنت جيراننا جايتنا الحين .. وش رايك ؟؟
سديم أعجبتهـآ الفكرهـ بس تذكرت عزآم أخوهـآ وقالت : والله ودي بس خايفه عزآم مايوافق وخصوصـآ إنه رآيح عرس خويه .. يعني مااظن عندي أحد يجيبني ..
قالت لمـى بصوت وآطي خجول ماحاولت تبينه لـ سديم : طيب طيب .. عصـآم وينه ؟؟
إبتسمت سديم لـ طاري أخوهـآ الخبل ع قولتهـآ وقالت : عصمـآن مادرى عني أكيد إنه هاية ألحين مع أخويـآهـ طول العزيزيه والخبر ..وبيني وبينك مو مضحيه بـ عمري عشان اركب معـآهـ .. هو متهـووور مرهـ بالسوآقه ..
الله يكفيه الشر بس ..
خـآفت لمى من قلب على عصـام وقالت بلهجه حاولت ماتبين اللهفه فيهـآ : يووووة ياسديم حاولي فيه مايسرع كثير الله يكفينا شر هالحوادث .. بس جد سديم تعالي عندي والله بنستانس كثير .. ع الأقل أرتـآح من مقابلة مهـآ وبنتهـآ .. وتطيح فيني أوآمر شيلي حطي سوي ولا تسوي ,, تكفيييين سديم ..
قالت سديم بقلة حيله : والله ودي يالمـوو وأول مايجي عزآم بأقوله ولا يهمك ..
قالت لمـى بإصرآر : ألحين تكلمينه قفلي وروحي دقي عليه تكفين .. وإذا مـآوافق بأخلي سعود أخوي يكلمه وإلا نسيبه ع الفاضي ..؟؟
قالت سديم بصدمه : لا لا لا لا وش فيك إنتي إنهبلتي .. سعود مرهـ وحدهـ ؟ موب صاحيه .. لا خليني انا باكلمه والحين بأدق عليك وأرد لك خبر ..

قفلت سديم من لمـى وإلتفت على جنب شافت أمهـآ داخله عندهـآ
(( سديم (17 سنه ) آخر العنقود عند أهلهـآ ودلوعتهم .. بنوته مرهـ تجنن .. رومـآنسيه كثير وجريئه .. عاقله عند اللزوم .. ورجـه بكل الأحوال .. تشبه عزآم أخوهـآ مرهـ ومن وفاة أبوهـآ وهي متعلقه فيه بشكل مو طبيعي ..))

وقالت لهـآ : يمـه تكفين طلبتك ..
إلتفتت أمهـآ بخرعه وقالت : وجع وش فيك ؟؟ وش تبين ؟؟

(( أم عزآم ( 48 سنه ) أرمله .. توفى زوجهـآ من 10 سنين .. ورفضت تتزوج رغم كثرة خطابهـآ لجمالهـآ وأخلاقهـآ .. ربتهم أحسن تربيه .. وأعطتهم كل حنان الدنيا والطيبه )) ..

قالت سديم بترجي وهي تمسك يد أمهـآ : يمه تعرفين إني طفشـآآآنه حدي وسآرهـ ماتعطيني وجـه طول وقتهـآ ع النت أو تكلم صديقاتهـآ .. تكفين خليني أروح عند خالتي وأنـآم عند لمـى .. المسكينه دآقه علي تصيح وتقول إلحقيني أبيك تجين عندي بسرعه .. تعبانه وأبيك معـآي ..
ابتسمت أمهـآ على كـلآم بنتهـآ المبالغ فيه وهي تدري إنهـآ تكذب وقالت : أومـآ دقت عليك تصيح ؟؟ بس مين بيوديك ؟؟ وبعدين وين تروحين الناس بنتهم نفـآس .. وأخوهم تركي موجود بالبيت وين تقعدين فيه ؟؟
قالت سديم لأمهـآ بترجي : يمه تكفين مهـآ نفـآس حاطين لهـآ غرفه تحت .. وخالتي مع زوجهـآ وسعود مع بنتك سمر ببيتهم وتركي مع أخويـآهـ بيرجع ينـآم بغرفته .. وبعدين يمـه يعني بالله عليك الي يسمعك يقول أول مرهـ أنـآم عند خالتي ماكأني منقعه ببيت خالتي 24 سـآعه ولمى نفس الشئ ..

قالت أمهـآ : والله براحتك إنتي وعزآم إذا وافق يوديك روحي مااحد ماسكك .. لأنه بالأصل أحنا بكرهـ بنروح لهم كلنـآ نشوف مهآ ..
نطت سديم على رأس أمهـآ تبوسه وتقول : ياربي يخليكي لي ياست الحبايب .. بس تكفين اذا شفتيه معنَّد شوي إقتعيه معـآي ..أوكي مامي ؟؟
قالت أمها : والله إنتي عارفه إنه هو رايح الخبر يحضر عرس خويه ,, إذا بيرجع مره ثانيه الخبر عشان يوديك شئ راجع له .. ماراح اقدر اقنعه لأنه اكيد ماراح يجي الا بآخر الليل وتعبان ..وانتي وشطارتك عـآد ..
قالت سديم بقلة حيله : إنا لله وإنـآ إليه راجعون .. الله يعين بس .. بأكلمه وأمري لله ..
أخذت جوآلهـآ ودقت على ( عزآم قلبي ) .. إنتظرت وسمعت خدمة صدى اللي حـآطهـآ عزآم قصيدة ( ليل الخُـبر ) بصوت الشـآعر (عبدالله البكر التميمي) ..

أرض الأحـلآم وأشجـآر الأمـآني يبـآس ..
وإنت ظالم ولكني أحبك كثير ..
وآضح إني خسرتك للأبد وإنت حـآس ..
خلك أقوى شوي وإعترف بالمصير ..
رحت يوم إرتوت فيني عذوق الحمـآس ..
مثل من ياخذ اللقمه من إفم الفقير ..
عندي إحسـآس وشوية رجـآوي ويأس ..
ومابغيت أزعجك مادآم وقتك قصير ..
قلت أبنسـآك يمكن المسـآفه تقـآس ..
بين ذآك الزمـآن اللي مضى والأخير ..
صـآحبي .. مارضيت أنسـآك من قوَّ بأس ..
يوم أبنسـآك كنت أبغى يموت الضمير ..
الغرابيل تلحقني وأنـا بدون ناس ..
عفت ناسي عشان ابقى بعينك كبير ..
يوم كان الوفـآء تحت الخديعه يدآس ..
والغرآم آخر حلول الوسط للعشير ..
كنت غالي وكان الكل حولك نـحآس ..
كنت صادق وكان الكل حولي يغير ..
ليت الأيام ثلجه ذابت بوسط كاس ..
كان عودت أنا مع برد العلاقه ضغير ..
كنت أنا وأنت في ذيك المحلات ماس ..
وسرقتك الحياة الهاديه وصرت غير ..
بس كانك تبي فرقا مثل ماانت حـآس ..
خلَّ ليل الخُـبر يذكر همومي بخير ..

صحت سديم على صوت التنبيه يقول ( لم يتم الرد ) ..
حست إنهـآ إنصدمت بهالقصيدهـ اللي دخلت فيهـآ جو شـآعري خيالي ..
قالت بنفسهـآ : يـآآآآآآآهـ ياخوي وش كثر إنت متعذب .. معقوله عزآم يكون يحب وحدهـ تركته ؟؟ معقووله ؟؟ لا لا ما أظن أكيد إنه بس حـآطهـآ كذا عشان فيهـآ كلمة ( الخُبر ) ..إيه إيه أكيد ...
صحت مرهـ ثانيه من سرحـآنهـآ على صوت جوآلهـآ يدق بإسم
( عزآم قلبي ..يتصل بك ) ,, ردت بسرعه : هـلآ عزآم ..
قال عزآم بهدوء وركـآدهـ : هـلآ سدوومه .. دقيتي علي ؟؟
قالت سديم : إيه دقيت بس مارديت وين كان جوالك ؟؟
قال عزام : معـآي بس لأني كنت بين الرجـآل ماقدرت أكلم وألحين طلعت ..
قالت سديم بفرحه : يعني بتجي البيت ؟؟
إستغرب عزام نبرة الفرح بصوتهـآ وقال : مدري ليش ؟؟
قالت بسرعه وبصوت مترجي : تكفى عزآآمي بأطلبك طلب وقول تم تكفى ..
قال عزام بضحكه وعرف إنهـآ ماتطلب بـ تكفى إلا شئ غالي عليهـآ : آمري سمي ... وش بغيتي ؟؟
ضحكت سديم وقالت : قول تم طيب ..
إبتسم عزام اكثر وقال :خليني أعرف أول ..
قالت سديم بقلق وبسررعه : أبيك توديني عند لمى بنت خالتي أنـآم عندهـآ .. بتجيهـآ بنت جيرآنهم وأبي أشوفهـآ من زمـآن تحكي لي عنهـآ وحبيتهـآ وأبي أقابلهـآ ..
قال عزآم بهدووء : بأوديك لهـآ بس ماتنـآمين ..
قالت سديم بترجي : لااااا عزآم تكفى .. خلني أنـآم .. وبعدين ياقلبي مشوآر عليك ترجع لي مرهـ ثانيه .. إنت ودني وروح ماله دآعي تتعب عمرك وترجع ..
ضحك عزام بخفيف وقال : يعني مسويه عمرك خايفه علي من المشاوير ؟؟
لاتخافين متعوود وأصلا شغلي بالخبر يعني مو صعب علي اوديك وارجع لك ..
قالت سديم بآخر محـآوله لإقنـآعه : تكفى عزآآآآآمـووو خلني أنـآم هنـآك .. والله كلمتني شوي وتصيح من الطفش حتى هي .. تكفىىىى ,,
قال عزآم بإستسـلآم : لاحول ولا قوة إلا بالله .. مشكلتي مااقدر اردك بشئ .. هالمرهـ بس بأخليك تنامين .. المرهـ الجايه زيارهـ وبس مافيه نوم .. فآهمه ؟؟
قالت سديم بسرعه : مااضمن لك بس .. إن شاء الله بأحـآول ..
إبتسم عزام على خفيف كأنهـآ تشوفه وقال : أوكي ,. ويللا تجهـزي ماابي أنتظر كثير .. والا والله لانزل أنـآم وماعلي منك فاهمـه ؟؟
قالت : لا لا إن شاء الله أول ماتوصل تلقاني أنتظرك بالحوش ..
قال : أوك .. مع السـلآمه ..
ردت : بأمـآن الله ..

(( عزآم : (29 سنه ) .. وصفنـآ شكله من قبل .. بس طبعه حـآد .. يضحك صح ويفرفش أحيانآ .. بس إذا عصب يررعب .. تحمل مسؤولية أهله بعمـر الـ 19 سنه وهو بعز مرآهقته .. كـآفح وإشتغل بشركة الفهـد من موظف عـآدي لـ مدير مكتب المدير العـآم .. لحصوله على ماجستير إدآرة أعمـآل ..
شايل فكرة الزوآج من باله لحد مايزوج خوآته الباقيات .. حنون وطيب باوقـآت .. وقاسي وشرس باقوات ثانيه .. ووو ,, والا اقول بنتعرف عليه أكثر بالأحدآث ^,^ )) ..

ونطت سديم تجهز مـلآبسهـآ اللي تحتـآجهـآ وتلبس لهـآ لبس كشخـه لأنها سمعت من لمى ان بنت جيرانهم مرررررهـ غنيه وكشخه بس متواضعه ..
ولبست ( تنورهـ كاروهـآت أحمر وزيتي وبيج ميدي لـ نص السـآق .. وبلوزهـ كم طوويل حمـرآء مفتوحـه من نص الظهـر على شكل دآئرهـ وتحتهـآ بدي زيتي ..تغطي نص الفتحـه ) وحطت كحل أخضر بعيونهـآ وماسكـآرآ .. وبلاشر وردي وقلوس عنـآبي نـآعم .. ولبست إكسسوار زيتي وأحمر .. وفكت شعرهـآ اللي يوصل لتحت أكتافهـآ بقصـة الفرآوله ومبرز كثرته ولونه الكاكاوي المناسب لبياضهـآ بشكل حلو ,, وحطت وردهـ حمرآء على جنب بشعرهـآ ,, طلع شكلهـآ جنـآآآآآآآن .. لبست كعب زيتي ربط ع السـآق وأخذت شنطتهـآ وجوآلهـآ وطلعت .. ومـلآبس النوم تلبس مع لمـى لأنهم نفس الجسم ..
نزلت من الدرج وقابلت أختهـآ سـآرهـ ..

(( سـآرهـ (20 سنه ) تدرس حـآسب بجامعة الملك فيصل 3 سنه .. بنت مرررهـ حلوة بس مشكلتهـآ شوية الغرور اللي فيهـآ .. تعشق الفلوس وريحتهـآ .. بس حبوبه بأحيان وخبيثه بأحيان ثانيه ,, )) ,,

سـآرهـ : على وين إن شاء الله لابسه وكـآشخه ؟؟
قالت سديم وهي تسكر شنطتهـآ وتلبس عبايتهـآ : بأروح عند خالتي .. لمى دقت علي تطلبني أروح لها بتجيهم بنت جيرانهم فاتن الفهـد.. اللي حكت لنـآ عنها ذاك اليوم ..تذكرين .؟؟
قالت سآرهـ وهي تتذكر : إيه إيه تذكرتهـآ بنت العز والفلوس ,,
قالت سديم بنظرهـ لأختهـآ : وشو بنت العز والفلوس ..؟؟ بنت ابوها وامهـآ ترى ... والا انتي كل الناس عندك بالريال والفلس ؟؟
ضحكت سـآرهـ وهزت أكتافهـآ بعدم مبالاهـ وقالت : إيه ياحبيبتي هذا اللي المفروض تفكرين فيه ,, مو تفكير الفقـآرى أمثالنا أخلاق ومدري ايش ؟؟
شوي دق جوالهـآ وردت : هـلآ شذى .. أخبارك يالدووبا وحشتيني؟؟ ( قالتهـآ وهي طالعه غرفتهـآ ) ,,
طالعتهـآ سديم وهي رايحه وتقول : الحمدلله والشكر تفكير محدوود وسطحي الله لايبلانـآ ..
دق جوالهـآ هي بعد وردت بدون ماتشوف مين : هـلآ ..
: هـلآ سديم يللا اطلعي انا برا أنتظرك ..
سديم : يللا انا طالعه ..

طلعت سديم وركبت قدآم وأول ماشافهـآ عزام قال بحدهـ : غطي عيونك بسرعه .. كم مرهـ اقولك هالكـلآم يعني ؟؟
غطت سديم عيونهـآ بسرعه لا يعصب وقالت : طيب يمه وش فيك نسيت ..
قال بنظرهـ : لاعاد تنسين مرهـ ثانيه ..
بعد ماصاروآ بنص الطريق سألت سديم فجأهـ وقالت : عزآآآموو ممـكن سؤال ؟؟
إلتفت عزآم لسديم بإستغراب وهو رآفع حـآجب وقال : إسألي ..
قالت : القصيدهـ اللي حـآطهـآ بجوآلك خدمة صدى ,, وش سرهـآ ؟؟
إستغرب أكثر وإلتفت عليهـآ شوي وشوي ع الخط وقال : كيف وش سرهـآ ؟؟
قالت بحيرهـ : مدري حسيتهـآ حزينه ومؤثرهـ شوي .. وعن حب قديم وكذا .. قلت يمكن لهـآ سبب عندك .. ( قالتهـآ بإبتسـآمه متوترهـ ) ..
إبتسم بهدووء وقال : قصدك إني ممـكن أكون حبيت من قبل ؟؟
قالت بجرأهـ : إيه هذا قصدي ..
ضحك بصوت عالي وقال : أنا متى جاني الوقت اللي أقدر أحك رأسي فيه عشان أقدر أحب بالله عليك ؟؟
قالت سديم بعفويه : بس اللي أعرفه من كـلآم البنات عن الحب إنه يجي فجأهـ وماله ميعـآد ,,
طـآلع عزآم بسديم بطرف عين وقال : وإنتي إن شاء الله وش عرفك يجي فجأهـ والا يدق الباب ويستأذن ؟؟
إرتبكت سديم وخافت لا يفهمهـآ أخوهـآ غلط وقالت تلحق على نفسهـآ : أقولك والله من كـلآم البنات بالمدرسه ..
إبتسم على شكل اخته المرتبك وقال : طيب مصدقك .. بس حاب اقولك اني لاحبيت بحياتي ,, ولا راح احب الا اللي يجيبهـآ النصيب لي واللي اختـآرهـآ أنـآ بنفسي ,,,
لمـآ خلصوآ كـلآمهم كـآن أمدأهم وأصلين عند البيت .. وقف سيارته نزل مع أخته ودخل معـآهـآ دآخل يسلم على خـآلته و زوجهـآ ويطلع ..
\
/
\
وصلت قدآم فيلا ابو سعود وإتصلت على لمى عشان تنزل تساعدها بالأغراض الكثيرهـ بالرغم إن شغالتهـآ معـآهـآ وشايله ثلاث ارباع الأغراض بس لأن الباقي هدايا كبيرهـ ..
ردت لمى وهي تقول : هـلآ فتووو ..
قالت فاتن بحب : هلا عيوني ..إسمعي عندكم أحد من الرجال ؟؟
قالت لمى : لا أبوي وتركي طالعين .. محد فيه خذي راحتك تلقين أمي تحت ..
وترى بنت خالتي سديم جات وتنتظرك معـآي ..
إبتسمت فاتن بفرح وقالت : جد ؟؟ يللا انا نازله بس الأغراض كثيييرهـ مررهـ ..وش رايك تنزلين تساعديني ؟؟وإلا اقولك يللا باتقاسمهـآ مع الشغاله مسكينه لعنت شكلهـآ اليوم هههههههه ..
ضحكت لمى وقالت : هههههههه ياعمري يافتوون والله أخاف تزعل مهـآ وأمي منك لأنك كلفتي على نفسك .. بس يللا الحين بانزل لك ..
قالت فاتن بسرعه : يللا انا انتظرك ..
ونزلت مع الشغاله وهي تنزل كل الأغراض والسواق يساعدهم يدخلها الحوش لأن باب الحوش كان مفتوح بعد دخول عزآم ..
السوآق حط الأغراض وطلع للسيـآرهـ ..
وفاتن تضايقت من الطرحه اللي كل شوي تنفك وتخرب عليهـآ قامت تلفتت ورآهـآ ماشافت بالباركينج اللي بالحوش ولاسيارهـ قامت فصخت طرحتهـآ ورمتهـآ على أكتـآفهـآ وشعرهـآ كـآنت رآفعته شينيون مبهذل من الطرحـه ,, بس خصل من شعرهـآ طايحه على وجههـآ..
وقامت شالت أكياس وكثيرهـ بيدينهـآ الصغـآر .. وهي لسى ببدآية الحوش ودآخـله للفـيـلآ ..

\
/
\

: على وين يا أمك ؟؟ توك جـآي إقعد تقهـوى وألحين بيجي عمك وتركي إجلس معهم شوي ..
عزآم وهو يوقف ويمسك جيوبه يفتش ع أغراضه قال : قهوتكم مشروبه ياخاله .. وعسـى بيتكم عـآمر ..والله مستعجل بأروح البيت تعبـآن حدي وأدوور النووم بس ..وعمي وتركي سلمي لي عليهم كثير وإعتذري لي منهم ..
وقفت أم سعود وهي تقول : الله يسلم عمرك ياوليدي .. بس بكرهـ تعـآل مع أهلك لأن أمك قالت لي بتجونـآ إن شاء الله .. خـلآص ؟؟
عـزآم وهو يأشر على عيونه : إبشري ياخاله من عيوني .الثنتين .. وألحين أسمحي لي ..
أم سعود : مسمووح يالغالي .. الله وياك ..
عزآم وهو طـآلع : فأمـآن الكريم ..
طلع وسكر باب البيت ومـآشي للحوش بس سمع صوت نـآآعم جدآ وفيه ميزهـ عجيبه أجبرته يرفع رأسه جهة مصدر الصوت .. وإنصدم وجمـد بمكـآنه من اللي شـآفه

نهاية البارت

/
\
/

أنتظرو البارت الثالث
لكن بعد الردود

» صور حب رومانسيه مره.. للعشاق فقط اروع صور حب